Тізілім электронды түрде жүргізіледі және Ұлттық ақпарат орталығының платформасында орналастырылады. Оған бірнеше инвестордың құқықтарын қозғайтын немесе жүйелік сипаттағы мәселелер ғана енгізіледі.
Бұған заңнамадағы олқылықтарға, нормалардағы қайшылықтарға байланысты проблемалар немесе жалпы ережелерді өзгертпей шешуге болмайтын жағдайлар жатқызылады. Жекелеген инвесторлардың жалғыз шағымдары тізілімге енгізілмейді.
Енгізудің негізі инвесторлардың өтініштері, тексерулердің қорытындылары, инвестициялық жобаларды мониторингтеу және сот практикасын талдау болады. Ақпаратты Бас прокуратураның құрылымдық бөлімшелері, орталық және жергілікті мемлекеттік органдар, «Атамекен» Ұлттық кәсіпкерлер палатасы және квазимемлекеттік сектор субъектілері де жібереді.
Уәкілетті орган келіп түскен материалдарды 15 жұмыс күні ішінде қарауға және проблеманы тізілімге енгізу туралы шешім қабылдауға немесе дәлелді бас тарту шығаруға міндетті. Егер негіз жеке немесе заңды тұлғаның өтініші болса, ол заңнамада белгіленген жалпы тәртіппен қаралады.