Манас Рамазанов Алматы мемлекеттік медицина институтын, Д.А. Қонаев атындағы университетті және Т. Рысқұлов атындағы Қазақ экономикалық университетін бітірген.
1984 жылдан 2006 жылға дейін ол Сызғанов атындағы ұлттық ғылыми хирургия орталығында жұмыс істеді. Осы уақыт ішінде кіші ғылыми қызметкерден жедел хирургия бөлімінің меңгерушісіне дейін жетті.
2006–2007 жылдары Рамазанов Денсаулық сақтау министрлігінің емдеу-профилактикалық жұмыс департаментінде хирургиялық көмекті ұйымдастыру бөлімін басқарды. Содан кейін екі жыл Сызғанов атындағы ұлттық ғылыми хирургия орталығының ғылыми-клиникалық жұмыс жөніндегі директор орынбасары қызметін атқарды.
2008 жылдан 2013 жылға дейін ол Алматы қаласы денсаулық сақтау басқармасы басшысының орынбасары болып жұмыс істеді. Кейін Денсаулық сақтау министрлігінің Медициналық қызметтерді төлеу комитетінің Алматы бойынша департаментін басқарды.
2014 жылдан 2018 жылға дейін Рамазанов Алматы қаласы денсаулық сақтау басқармасының №1 қалалық клиникалық ауруханасының бас дәрігері болды. 2018 жылдың сәуірінен жаңа қызметке тағайындалғанға дейін №7 қалалық клиникалық аурухананы басқарды.
Бұған дейін Қазақстан Республикасының туризм және спорт вице-министрі болып Мирас Төлебаев тағайындалған болатын.