«Оңтүстік Жарық Транзит» ЖШС-нің апаттық бригадалары оқиға орнында жұмыс істеп жатыр. Мамандар электр қуатының өшірілу себебін анықтап, электрмен жабдықтауды біртіндеп қалпына келтіруде.
20:36-дан бастап желіні шамадан тыс жүктемеу үшін жарық кезекпен беріле бастады. Қосылу жалғасуда.
Газ құбыры зақымданды
Екінші апат БАМ микроауданында Көктас көшесінде болды. Көше жарығын орнату кезінде жер асты газ құбыры зақымданды.
Газсыз 1110 жеке үй, бір 30-пәтерлі үй, өнеркәсіптік кәсіпорын және 20 коммуналдық-тұрмыстық нысан қалды.
Апаттық қызмет тез арада ағып кетуді локализациялады. Қазір қалпына келтіру жұмыстары жүргізілуде. Газдың иісі шыққан жағдайда 104 нөміріне хабарласу, плитаны пайдаланбау және от жақпау ұсынылады.