Мемлекет басшысы Транскаспий халықаралық көлік бағытын Еуропалық Одақтың Global Gateway бастамасымен ұштастыру перспективаларын атап өтті. Сондай-ақ, ол еуропалық серіктестерге елдегі ірі көлік-инфрақұрылымдық жобаларды қолдағаны үшін алғыс айтты.
Президенттің сөзінше, маңызы зор шикізат материалдарының елеулі қорлары ынтымақтастық үшін кең мүмкіндіктер ашады. Қазақстан өңдеу өнеркәсібіне, технологияларды беру мен бірлескен өндірістік жобаларға еуропалық инвестицияларды күтеді.
Тоқаев энергетика саласында, оның ішінде атом энергетикасында, цифрлық трансформацияда, ауыл шаруашылығында, су қауіпсіздігі мен климаттық күн тәртібінде одан әрі өзара іс-қимылға қызығушылық танытты.
Ол гуманитарлық өлшемге – білім беруге, ғылымға, мәдениетке және адамдар арасындағы байланыстарға ерекше назар аударды. Қазақстан Erasmus+ және Horizon Europe бағдарламаларына қатысуды жоғары бағалайды және жоғары оқу орындарының серіктестігін қолдауды көздейді. Сондай-ақ, ел Horizon Europe-ге қауымдасқан ел мәртебесін алуға үміттенеді.
Президент визалық режимді жеңілдету және реадмиссия туралы келісімдер бойынша келіссөздердің аяқталуын құптады. Ол «Орталық Азия – Еуропалық Одақ» диалогтық платформасының өңіраралық серіктестікті нығайту механизмі ретіндегі маңызды рөлін атап өтті.